Síðstu jólagestirnir lendu í Vágum við RC 455 úr Keypmannahavn kl 20.35.
Einir 800 jólagestir komu heim í dag, og eini 250 fólk fóru av landinum a
halda jól.
Tey fýra flogførini hjá Atlantic Airways máttu venda aftur fyri veður, og
stóðu tvey teirra í Noregi - eitt í Bergen og eitt í Stavanger. Hini bæði
fóru til Wick í Skotlandi og Egilstaðir í Íslandi at bíða eftir líkindum.
Umframt ferðafólkini, sum vóru við hesum flogførunum, lógu ferðafólk eisini
veðurføst í Keypmannahavn og Billund.
Í morgun batnaði veðrið, og tá hol kom á gekk skjótt at fáa jólagestirnar
heim. Øll fýra flogførini komu í Vágar í morgun og fóru skjótt avstað aftur
og komu heimaftur seinnapartin. Tað eina flogfarið fór aftur til
Keypmannahavnar eftir síðstu gestunum og lendi í Vágum klokkum 20.30.
Manningar og starvsfólk hjá Atlantic Airways fara nú í jólafrí, tí ongin
flúgving er jólaaftan og jóladag - tó er tyrlutænastan tilbúgvin eins og
flogfar eisini kann setast inn, um tørvur verður á bráðfeingis
sjúkraflutningi. Annan jóladag verður regluliga flúgvingin tikin upp aftur.
