Tað var so spennandi og dramatiskt, sum tað yvirhøvur kundi vera, tá ið kvinnuliðini hjá Drátti úr Miðvági og SÍ í Sørvági seinnapartin dystaðust um FM heitið í høllini á Hálsi í Havn.
Í fyrradagin vann SÍ trivaligan 3-0 sigur í fyrru finaluni. Í dag var seinna finalan. Um Dráttur vann skuldi FM heitið avgerast í so nevndum gullsetti. Dráttur vann, og so var neyðugt við gullsetti, har tað var spælt upp í fimtan.
Tølini siga, at tað var so tætt og spennandi, sum tað ber til, tí SÍ vann 15 – 13 og er harvið meistari.