Í fjør taptu Óli Mittún, Elias Ellefsen á Skipagøtu og liðfelagarnir í Sävehof finalurnar um svenska meistaraheitið 2-3 fyri Kristianstad aftaná fimm finalur. Kristianstad vann tvær av finalunum aftaná longda leiktíð, so tað var ikki nógv sum skilti liðini tá.
Nú fær Sävehof høvið at hevna finalutapið í teimum komandi hálvfinalunum.
Sävehof møtir júst Kristianstad í teimum komandi hálvfinalunum.
Hesaferð hevur Sävehof ein fyrimun teir ikki høvdu í finalunum í fjør. Sävehof vann grundspælið, og tí fáa teir tríggjar hálvfinalur á heimavølli í Partille um hálvfinalurnar fara til fimm dystir. Í finalunum í fjør hevði Kristianstad tríggjar finalur á heimavølli.
Fyrsta hálvfinalan - spælt verður best av fimm - verður leikt í Partille komandi fríggjakvøld klokkan 18.
Kristianstad hevði tungt hoyggj við Hammarby í fjórðingsfinalunum. Aftaná fimm fjórðingsfinalur vann Kristianstad samlað 3-2. Seinasta fjórðingsfinalan, ið var leikt í kvøld endaði sera tepurt 31-30 til Kristianstad.
