Hetta vikuskiftið savnast fólk frá Brøðrasamkomunum kring landið og onnur til Samfelagsstevnu í Havn.
Møtini byrjaðu mikukvøldið í samkomuhúsinum Ebenezer í Miðbýnum, men halda um vikuskiftið fram bæði á hesum staði og í ítróttarhøllini á Hálsi.
Hóast ítróttarhøllin kann rúma túsundtals fólkum, eru helst ikki øll sum vilja, ið kunnu luttaka á hesum møtum.
Tí er samstarv fingið í lag við Lindina, sum sendi beinleiðis frá møtinum í høllini í gjárkvøldið og sendir aftur í dag og sunnudagin.
Heitið fyri samfelagsstevnuna í ár er ´Harrin er hjálp og styrki okkara, hjálp í neyðini, til fulnar royndur´.
Nú klokkan 10 í morgun byrjaði ein kunnandi fundur í Ebenezer, har greitt verður frá arbeiðinum í Bíbliugrunninum, Sálmagrunninum, Evangelisku Røddini og Zarepta.
