Løgmaður heldur, at tann seinasta veljarakanningin vísir, at samgongan hevur staðið royndina og eigur at halda fram -Henda samgongan hevur staðið próvtøkuna og eigur at halda fram eftir komandi val.
Tað sigur Jóannes Eidesgaard, løgmaður, við útvarpið hjá Kringvarpinum í viðmerking til nýggju veljarakanningina hjá Gallup, sum gevur samgonguflokkunum 20 av teimum 32 tinglimunum, sum er ein minni enn nú.
Eftir veljarakanningini missa Fólkaflokkurin og Javnaðarflokkurin hvør sín tingmann, meðan Sambandsflokkurin fær ein afturat. Løgmaður vísir á, at samgonguflokkarnir liggja framvegis oman fyri 60 prosent av atkvøðutalinum.
