Fjórðingsfinalan gjørdist endastøðin fyri Samuel Chukwudi og liðfelagarnari SJK Seinäjoki í finsku steypakappingini.
SJK spældi dyst á útivølli móti AC Oulu, ið vann fjórðingsfinaluna 2-0. Oulu skoraði longu í sætta minutti, og teir øktu til 2-0 stutt undan dystarloki. Samuel spældi allan dystin, og hann fekk eitt gult kort á vegnum.
Oulu hevði munandi fleiri royndir á málið hjá mótstøðuliðnum, hóast SJK hevði bóltin 62 prosent av tíðini.
Komandi leygardag spælir SJK dyst á heimavølli í bestu finsku fótbóltsdeildini. Dysturin verður móti stoltleikanum hjá Álandsoyggjunum, IFK Mariehamn.
10. juli taka Samuel og liðfelagarnir móti KÍ í fyrra dystinum í fyrsta undanumfarinum í Conference League.
