Hundahvølpurin hjá Thordis Anderson og sjeikinum Høgna Petersen, av slagnum bordercollie, varð í gjár tikin út túninum og lagdur aftur deyður fýra tímar seinni.
Hetta er ein skakandi hending, men ikki tann fyrsta av slíkum slag í Sandavági, sigur Thordis Andersen.
Tí vinfólk hjá órættaða parinum hava eisini upplivað, at hundar eru tiknir ella illa viðfarnir, hóast hetta er fyrstu ferð, at ein er dripin.
Les eisini: Sandavágur: Hundurhvølpur stolin og dripin
- Vit hava eisini upplivað herverk í húsunum her, og tey, sum búðu her áðrenn vit, upplivdu tað eisini fleiri ferðir, sigur Thordis Anderson.
Somuleiðis vísir hon á, at í gjárkvøldið løgdu tey bæði hendingina á Facebook, og á sosialu miðlunum eru bygdafólk í øðini um hendingina.
- Tað hava verið fleiri dømi um brotsverk av ymiskum slag í seinastuni, og eg veit ikki. Kanska eru tað teir somu, sum hava gjørt hetta við okkara hundahvølp, sigur Thordis Andersen og heldur fram.
- Vit høvdu ein hund áðrenn, sum gott nokk var fullvaksin, men hann fekk altíð frið. Eg skilji púrt einki av, at nakar finnir upp á slíkt, sigur Thordis Andersen.
Í gjárkvøldið meldaðu tey beinan vegin hendingina og í dag er løgreglan ávegis til Sandavágs at kanna málið.
