Ebenezerkorið er júst komið heimaftur av Skotlandsferð. Kórið hevur verið burturi á páskum og kom aftur týskvøldið.
Sungið hevur verið í Motherwell og Aberdeen.
Tað var úr Motherwell, at William Gibson Sloan varð sendur sum trúboðari til Føroya. Hetta er meiri enn hundrað ár síðan.
Á sangfundinum í kvøld fer Jógvan Zachariassen at taka lut við spæli á sínum ljóðføri, og til seinast hevur hann ein boðskap.
Hann var vertur hjá kórinum, tá tað var í Motherwell. Jógvan, kona hansara Unn og børnini hava búð har í eitt ár. Hann er leiðari á bíbliuskúlanun hjá GLO í Motherwell.
Leiðarar hjá Ebenezerkórinumkórinum eru Jens Christian Guttesen og Ólavur Jøkladal.
