24.-26. oktober skipar Kirkjuliga Heimamissiónin fyri teimum árligu stórimøtunum. Í ár vera stórmøtini í ítróttarhøllini á Kambsdali og heiti á møtirøðini er “Kennir tú Jesus”?
Umframt møti hvørt kvøld, verða serlig tiltøk fyri bæði børn og ung. Leygardagin er ein fyrilestur á skránni og sunnudagin verður ein sangleikur vístur. Talan er um sangleikin "Ferðin til Ljóslandi.
Barnaansing er til øll kvøldmøtini. Børnini møta saman við foreldrunum í høllini, har eitt stutt orð og onkur barnasangur verður til tey áðrenn sjálva taluna. Eftir tað fara børnini til barnaansing í øðrum hølum.
