Aftur í ár skipar Listafelagið fyri Ólavsøkuframsýning í Listasavninum.
Nevndin hevur heitt á Anniku á Lofti og Jóhan Martin Christiansen um at velja millum innkomnu verkini.
- Øll tøkni og snið hava áhuga. Listafólk, sum lata inn verk, ið krevja tøkni, mugu sjálvi hava ella fáa til vegar teldur, sjónvørpu, framvísarar o.a.t., sigur Malan Marnersdóttir, forkvinna í Listafelag Føroya.
Evstafreist at lata verk inn er fríggjadagin 15. juli kl. 16. Ólavsøkuframsýningin letur upp ólavsøkuaftan tann 28. juli kl. 14.
