Fyrsti dysturin í 12. umfari í Premier League hevur verið. Oddaliðið Chelsea vann greiðan 3-0 sigur á Kasper Schmeichel og Leicester City, ið hava tað torført í løtuni.
Gestirnir úr London vóru omaná frá byrjan. Longu aftaná eitt korter skoraði týski miðverjin, Antonio Ruediger, eftir hornaspark. Bara eitt korter seinni økti fyrrverandi Leicester City spælarin, N'Golo Kante, til 2-0.
Í seinna hálvleiki skifti Chelsea út og millum teirra, sum komu inn, var Christian Pulisic. Hann staðfesti sigurin við máli til 3-0. Chelsea er nú seks stig fremst, undan restina av dystunum.