Ársins kærleikskúla er júst handað á Listasavninum. Kærleikskúlan í ár er tann 15 í røðini.
Súsan í Jakupsstovu hevur sniðgivið, hon játtaði beinanvegin at sniðgeva kærleikskúluna og frøddist um at fáa fríðar hendur. Ófriðurin í heiminum dag hevur ávirka listakvinnuna nógv, tí hevur kærleikskúlan í ár ein boðskap um frið. Myndaevnið er ein hvít dúgva og í hvørjari kúlu eru trý fræ.
Á hvørjum ári verður fyrsta kærleikskúlan handað til eina virðiliga fyrimynd. Í ár fekk Sclerosufelagið henda heiður. Hallur Thomsen takkaði fyri og segði at hettar eggjar felagnum at halda fram við arbeiðinum.
Hedvig Johansdóttir, stjóri á Dugna, beyð vælkomin. Hon vísti á, at allar kærleikskúlurnar eru serstakt sniðgivnar, eingin er eins, líkasum at eingi menniskju eru líka og tað skal vera pláss fyri øllum.
Siri Stenberg landstýriskvinna í almanna og mentamálum vísti á, at kærleikskúlan við sínum listarliga og sosiala íkasti, er ein staðfesting av at almanna og mentamál nú eru samanrunnin.
##med2##
##med3##
##med4##
