Stóri dagurin á Summar Festivalinum bjóðar konsertir við Rasmus Seebach, Bobby Bare og fleiri.
Leygadagurin er tann longsti festivaldagurin á Summar Festivalinum. Longu kl. 13.00 verður lagt til brots við Trøllaroki til børnini.
Kl. 14.30 fara X Factor stjørnurnar Basim og Babou at hava konsert á Vágsbøi, og í kvøld ber eisini til at uppliva poppstjørnuna Rasmus Seebach og countrylegenduna Bobby Bare.
Føroyskir bólkar spæla eisini konsertir á Vágsbøi, og í dag ber til at hoyra 4, Annu Faroe og Hjarnar spæla á stóra palli.
Tveir aðrir pallar bjóða eisini tónleik, og har fara eitt nú T.O.S, Divaz, Grandmas Basement, Kim Hansen og Lív & The Zoo at spæla.
Seinasta framførslan á ársins Summar Festivali verður við Eyðuni & Terja í Flags tjaldinum í nátt kl. 03.00.
