Eftir harðar og drúgvar samráðingar tryggjaði amerikanski forsetin, Joe Biden, sær í gjárkvøldið ein stóran politiskan sigur.
Tað eydnaðist honum soleiðis at fáa eina týðandi búskaparliga ætlan samtykta í Senastinum – annað av teimum báðum kømrunum í Kongressini.
Lógaruppskotið verður hildið at hava eitt virði upp á 430 milliardir dollarar. Tað svarar til yvir 3.100 millardir krónur. Tann framsókni pakkin skal millum annað vera við til at stríðast ímóti veðurlagsbroytingum og lækka prísin á heilivági.
Tað hevur verið ein drúgvur og tungur dystur fyri Biden at fáa ætlanina samtykta. Og tað eydnaðist eisini við minst møguliga meirilutanum.
40 av teimum 100 limunum í Senatinum atkvøddu soleiðis fyri, meðan 50 aðrir atkvøddu ímóti. Harvið lá avgerandi atkvøðan hjá demokratiska varaforsetanum, Kamala Harris, ið sum vætnað atkvøddi fyri.
Atkvøðugreiðslan var eftir eitt maratonorðaskifti. Hon kom í kjalarvørrinum á umleið hálvt ára samráðingar.
– Eg stillaði upp til forsetavalið og lovaði at fáa stjórnina at arbeiða fyri lønmóttkarafamiljum, og tað er tað, sum hetta lógaruppskotið ger, sigur forsetin í eini fráboðan.
Hann viðgongur, at øll ikki eru nøgd við endaliga úrslitið.
– Tað krevur nógvar semjur. Tað er tað næstan altíð, tá týdningarmiklar avgerðir skulu takast, leggur Biden afturat.
Næsta stig fyri lógaruppskotinum er ein atkvøðugreiðsla í hinum kamarinum í Kongressini, Umboðsmannatinginunum. Har hava Demokratarnir meirilutan av teimum 435 sessunum, og harvið verður roknað við, at lógaruppskotið eisini verður samtykt.
Atkvøðugreiðslan í Umboðsmannatinginum verður helst fríggjadagin.
Samtyktin í Senatinum í gjár verður av amerikonskum miðlum mett sum týdningarmikil fyri Biden forseta. Serliga tí at miðval verður í heyst.
/ritzau/Reuters