Hósdagin 4. apríl verður Ítróttasamband Føroya 80 ár.
Í tí sambandi skipar ÍSF fyri almennari móttøku í Smæruni klokkan 16, har fyrrverandi ÍSF-forsetar fara at hugleiða um avgerandi hendingar í søguni hjá ÍSF. Við á móttøkuni verða eisini m.a. løgmaður, landsstýrismaðurin við ítróttamálum og borgarstjórin í Tórshavnar kommunu.
Hósdagin letur eisini framsýning upp í SMS um søguna hjá ÍSF og oyggjaleikirnar. Framsýningin verður opin til 13. apríl.
Leygardagin 6. apríl fara ítróttafeløg kring landið at skipa fyri tiltøkum í sambandi við 80 ára dagin. Higartil hava 40 feløg boðað frá, at tey hava opið hús.
HOYR Jarvin Feilberg Hansen frá ÍSF í samrøðu við FM1 greiða frá tiltøkunum á hesari leinkjuni
