Týsdagin nýtti Pjerrot og Sigurd og familja hansara at ferðast kring Suðuroynna, skrivar sudurras.com.
Týskvøldið var so fyrsta framførslan hjá Sigurd barret og konuni og hjá klovninum Pjerrot. Hetta var í Vágshøll.
Fyrst var undirhald við føroyskum undirhaldarum og so komu Sigurd og dukkudýr hansara á pallin. Sigurd er ein úrmælingur á klavrið og trummu – bæði í senn.
Og hann dugir at fáa børnini, og tey vaksnu, við, tá hann hevur bjørn sína við í leikinum, umframt hini dukkudýrini. Kona hansara luttók eisini við vøkrum sangi í operastíli.
Pjerrot hugtók børnini við ymsum gandaleikum og ballóndýrum.
Við síðuna av pallinum stóð klovnurin Paljetta, hin kenda Jane Wigh, og málaði andlitsmáling á børnini og bíðirøðin var so long, at hon var til fleiri tímar, og fekk Paljetta tí hjálp at enda frá starvsfólki úr frítíðarskúla, ið saman við starvsfólkum úr barnagarði skuldi í workshop í hesum kynstrinum seinni á kvøldi.
Tiltakið, sum Suðuroyar Sparikassi stóð fyri, eydnasðist sera væl. Tiltakið verður í Havn 8. november og í Klaksvík 9. november.
