Jón Simonsen, venjari hjá ÍF, var sjálvsagt fegin um fyrstu stigini í hesum kappingarárinum.
- Nú skulu vit njóta og gleðast um sigurin, áðrenn komandi uppgávuna, staðfestir klaksvíkingurin.
Venjarin ger greitt, at talan fyrst og fremst var um ein arbeiðssigur í Fuglafirði í gjár.
- Vit vildu og skuldu vinna. Vit góvu alt, vit áttu, og tað var nóg mikið. Í dag eydnaðst tað okkum at fáa fyrsta málið, og samanborið við hinar dystirnar, so er tað nú mótstøðuliðið sum noyðast fram á vøllin. Og tað gav okkum gott pláss, sigur Jón Simonsen, ÍF-venjari.
