Føroyska kvinnulandsliðið í flogbólti spældi í kvøld næstseinasta dystin í hesari Silver League kappingini.
Í dysti sum var leiktur í Luksemborg taptu føroysku kvinnurnar 0-3 fyri Íslandi.
Føroyar-Ísland 0-3 (19-25, 18-25 og 18-25).
Í morgin klokkan 17 verður seinasti møguleikin hjá føroysku kvinnunum at fáa stig í hesari kappingini. Tá spæla okkara móti vertunum úr Luksemborg, ið hava tvey stig higartil í kappingini.
Fríggjakvøldið tapti Luksemborg 2-3 fyri Íslandi.
