Í løtuni eru fýra partrolarapør til fiskiskap, og flestu skipini koma inn at landa í næstu viku.
Á Fiskamarknaði Føroya siga tey, at partrolararnir framvegis hava smáligan fiskiskap eftir upsa.
Tvey partrolarapør fiska gulllaks, men nú fer vertíðin hjá teimum at styttast nakað.
Pørini á gulllaksi plaga at vera trý í tali, men síðan Eysturbúgvin sakk tíðliga í gulllaksavertíðini í ár, hava tey bara verið tvey.
Spurningurin er so, um pørini, sum fiska gulllaks, møguliga fara at royna eitt sindur longri, nú skipini á hesi veiði eru tvey færri enn vanligt.
Ein djúpvatnstrolari er til fiskiskap í løtuni. Teir fiska svartkalva í bretskum sjógvi og frysta veiðina umborð.
Í løtuni eru fimm av teimum smáu trolbátunum á landleiðini, og tveir eru norðanfyri.
- Trolbátarnir fáa mest av toski, hýsu og flatfiski. Teir koma allir inn at landa í næstu viku, verður lagt aftrat.