Tað var stutt fyri middag í gjár, at skiparin á einum ferðamannaskipi ringdi til MRCC at boða frá, at eitt av ferðafólkunum umborð knappliga gjørdist so illa fyri.
Talan var um ferðamannaskipið, Azamara Quest, sum tá var statt á leiðini einar 120 fjórðingar í ein útnyrðing úr Føroyum - á veg úr Íslandi til Føroya, har tað skuldi koma á Runavík.
Sjóbjargingartyrlan hjá Atlantsflogi varð send út á skipið eftir manninum og konu hansara, og hesa uppgávu loysti tyrlumanningin fyrimyndarliga.
Men, hetta gjørdist samstundis ein long ferð, og eftir sløkum hálvum triðja tíma varð átakið liðugt, og útlendski ferðamaðurin kom á Landssjúkrahúsið.
##med2##
