Nú skulu børn, sum ganga í barnagarð og frítíðarskúla í Tórshavnar Kommunu, sleppa at svimja ókeypis í Svimjihøllini í Gundadali.
Tað er endamálið hjá býráðnum í Havn.
Býráðið hevur skift orð um svimjihøllina og í tí sambandi vísti Heðin Mortensen, býráðslimur fyri Javnaðarflokkin, á, tað verður munur gjørdur á børnunum í kommununi. Í hesum sambandi vísti hann á, at skúlabørnini í kommununi svimja fyri einki, men tey, sum ganga í barnagarð og frítíðarskúla, skulu rinda fyri at svimja.
Og tað er ein byrða hjá teimum, tí stovnarnir hava ikki so víðar, figgjarligar ræsur. Og avleiðingin er, at summi setast kanska aftur.
Gunvør Balle, varaborgarstjóri, sigur, at hetta er avgjørt eitt mál, tey arbeiða við í býráðnum. Og hon sigur, at hetta er ein skipan, tey eru í ferð við at endurskoðað, so at tað verður fingið í rættlag.
