Inntøkurnar í Suðuroynni eru munandi lægri enn aðrastaðni. Tað skrivar Suðuroyarportalurin í dag.
Hóast kommunurnar í Suðuroynni undir einum høvdu ein hampiligan vøkstur í persónsskattainntøkunum, so eru persónsskattainntøkurnar í Suðuroynni á væl lægri støði enn aðrastaðni í landinum.
Verða persónsskattainntøkurnar hjá kommunum í Suðuroynni roknaðar í mun til fólkatalið í Suðuroynni (persónsskatta-inntøkur pr. borgara), so fingu kommunurnar í Suðuroynni 31.966 kr. í persónsskatti pr. borgara í oynni.
Og munurin millum kommunurnar í Suðuroynni og aðrastaðni í landinum, skrivar Suðuroyar portalurin.
Tí verður hugt eftir øðrum kommunum í landinum, so er hetta eitt lágt støðið.
Í Eystur kommunu var persónsskattainntøkan hjá kommununi pr. borgara 39.639 kr. í 2016.
Í Fuglafjarðar kommunu 36.851 kr. pr. borgara.
Í Klaksvíkar kommunu 36.288 kr. pr. borgara.
Í Runavíkar kommunu 35.955 kr. pr. borgara.
Í Tórshavnar kommunu 34.091 kr. pr. borgara.
Sostatt liggja kommunurnar í Suðuroynni millum 2.000 og 7.000 kr. lægri enn aðra kommunur í landinum, tá hugt verður eftir persónsskattainntøkunum pr. borgara hjá kommununum.
Tað skrivar Suðuroyarportalurin.
