Kenda facebook-síðan, ODDSbible, ið hevur 744.000 fylgjarar, skemtaði í gjár við Føroyum. Hetta gjørdu teir í sambandi við, at tað er landsliðssteðgur og at allar tær stóru fótbóltsdeildirnar liggja stillar.
ODDSbible skrivaði, at dagurin í gjár var definitiónin upp á Super Sunday, ið er eitt hugtak fyri tá ið stórdystir eru á skránni sunnudagar. Hetta varð óivað sagt í spølni, tí skráin, sum teir vístu á, var hendan:
Kl.14.00: Kuwait – Kamerun
Kl.15.00: Gibraltar – Lettland
Kl.17.00: Føroyar – Liktinstein
Um fólkið handan síðuna hóast alt valdu at hyggja at Føroyum, so hava tey fingið ríkiligt av undirhaldi, tí Føroyar borðreiddu við góðum spæli og og trimum málum í 3-0-sigrinum ímóti Liktinstein.
Best dámda viðmerkingin til myndina hjá ODDSbible er:
- Helst meira spennandi enn at síggja Ongland spæla.
