Trygvi Askham, sum í fjør var málverji á Vodafone-liðnum hjá 07 Vestur, skal komandi kappingarár spæla við FC Hoyvík. Samstundis fer málverjin hjá FC Hoyvík í fjør, Predrag Stankovic, vestur í Vágar at spæla við 07 Vestur. 21 ára gamli Trygvi Askham hevur síðstu fimm árini vart mál hjá 07 Vestur, meðan 26 ára gamli Predrag Stankovic í trý ár spældi við NSÍ, áðrenn hann fór til Hoyvíkar.
