Tað hevur leingi verið eitt ynski hjá borgarum, vitjandi, handlum og fyritøkum, at eitt alment wc verður tøkt á handilsøkinum við Norðskála.
Nú arbeitt verður við at útbyggja og dagføra læknaviðtaluna er líkt til, at eitt alment wc kann knýtast uppí verkætlanina - uttan, at hetta fer at ávirka virksemið í læknaviðtaluni.
Í Sunda kommunu vísa tey á, at við lutfalsliga smáum tillagingum og uttan stórvegis meirkostnað fer tað at eydnast at fáa hetta leingi ynskta tilboðið á handilsøkið.
- Vit gleða okkum til, at nýggja læknaviðtalan og almenna wc eftir ætlan verða klár at taka í nýtslu seinni í ár, siga tey í Sunda kommunu í dag.
Her verður lagt aftrat, at eitt slíkt alment wc, sum her er talan um, sjálvsagt eisini verið atkomiligt hjá fólki við rørslutarni.
##med2##
