sáttmáli
Klaksvíkar Arbeiðsmannafelag valdi í fjør ikki at siga upp sáttmálan við Føroya Arbeiðsgevarafelag samstundis sum hin arbeiðarafeløgini. Tískil helt tann sáttmálin á fram uttan broytingar. Nú varð sáttmálin uppsagdur til 1. mai, og partarnir vóru samdir um at skriva undir semju um at leingja sáttmálan í 1 ár við somu broytingum, sum vóru gjørdar fyri hini arbeiðarafeløgini 1. mai í 2005. Lønarhækkingin er sostatt 3% á eftirlønina. Av øðrum broytingum kunnu verða nevnd ein avtala um tøkni og ein avtala um neyðrakstur í alivinnuni í sambandi við sjúku.
