Nú kemur ein bók um ein av okkara fremstu vinnulívsmonnum, skiparan og reiðaran Eiler Jacobsen, ið fylti 70 herfyri. Tað er Óli Breckmann, sum skrivar bókina, stendur at lesa í seinastu útgávuni av FF blaðnum.
Óli Breckmann er ikki heilt óroyndur á økinum at skriva ævisøgu. Hann skrivaði eisini bókina um Hans Paula og hon er undirhaldandi lesnaður.
Eiler Jacobsen hevur átt skip og hevur verið millum teir fremstu síðan einaferð í sekstiárunum og tað er langt skeið í føroyskari vinnulívssøgu. Í dag eigur hann tvey av okkara fremstu fiskiskipunum, nótabátin Krúnborg og rækjutrolaran Sólborg.
