Skulu ganga til arbeiðis

Og hesa vikuna skulu før­oy­ing­­ar lata bilin standa, og buss­in fara, og ganga til ar­beið­is.

Tað er Fólkaheilsuráðið, sum skip­ar fyri útivikuni, sum verður 19. til 25. mai

Hetta er ikki fyrstu ferð, at úti­vika er, og Fólka­heils­u­ráð­ið sigur, at hini árini hev­ur undirtøkan ver­ið sera stór, bæði á privatum ar­beiðs­pláss­um, á almennum stovn­um, hjá kommunum og í fjøl­miðl­u­num.Fólkaheilsuráðið stað­fest­ir, at øll kenna fyrimunirnar av at seta bilin og at røra seg við at ganga.

Heilsan batnar og lagið batn­ar, og fyritøkurnar fáa glað­ari starvsfólk og færri sjúkra­dagar.
Fólkaheilsuráðið sigur, at síggja fólk, at summi seta bil­in, verð­ur tað lættari hjá teim­um sjálv­um at seta hann eis­ini.

Ætlanin er, at øll skulu vera við í átakinum.

– Tey, sum hava langt til ar­beið­is, ella skulu koyra ímillum bygdir, kunnu seta bilin langt frá ar­beiðs­pláss­i­num og ganga síðsta tein­in. Og tey, sum koyra í bussi, kunnu fara av nøkur steðg­i­pláss áðrenn tey plagdu at fara úr bussinum og ganga tað sein­asta strekkið.

– Hetta kann gerast hvør sær, men tað hevði eisini hevði ver­ið stutt­ligt at fyritøkur skipa fyri felags kappingum, út­ferð­um ella onkrum heilt øðr­um, fyri starvs­fólkinum, sig­ur Fólk­aø­heils­­­u­ráðið.