Hetta er boðskapurin, sum skúvoyingar nú gjøgnum undirskriftsinnsavnan geva landsstýri og løgtingi.
Skúvoyingarnir hava savnað undirskriftir saman fyri at gera vart við, at ein teymur upp í Skúgvi ikki er við i verandi verkætlan fyri Suðuroyartunnilin.
Eitt nú vísa teir á, at tað er órógvandi, at einki hoyrist frá politikarunum, og harumframt eru teir vitandi um, at partar av nevndini í tunnilstoyminum ikki eru serliga áhugaðir í at gera tunnil til Skúvoyar.
– Men ein góð loysn liggur klár, so ein íbinding til Skúvoyar ber væl til, um viljin er til staðar, leggja skúvoyingarnir dent á í skrivi til politikararnar.
Um tunnilin kemur til Skúvoyar eru minni útreiðslur, tí m. a. skip, atløguumstøðir og lønir til manning og avgreiðslufólk í longdini er dýrari enn ein íbinding frá Suðuroyartunnilinum.
Nógvir túrar verða avlýstir orsakað av vána líkindum, so trupulleikarnir verða ikki loystir við einum nýggjum skipi eina.
##med2##
– Vit heita tí so inniliga á politikararnar um at samtykkja, at tunnilin skal upp í Skúgvi, so vit eisini kunnu síggja eina ljósa framtíð fyri okkum og okkara oyggj, siga skúvoyingarnir.
Aksel V. Johannesen, løgmaður, fær undirskriftirnar handaðar í morgin klokkan 15.
