2. umfar í undankappingini í Evropa til HM 2022-endaspælið er spælt. Spania, Italia, Frakland, Danmark, England og Týskland vunnu øll favoritt sigrar, meðan íslendingar hava langt á mál, um teir skulu til Katar.
Bólkur B:
Spania hevði fleiri av sínum ungu spælarum á vøllunum frá byrjan, tá teir í kvøld vunnu 2-1 á Georgia í evstu løtu. Spania var aftanfyri í hálvleikinum, men við málum frá Ferran Torres og Daniel Olmo vunnu gestirnir í yvirtíðini. Svøríki vann greiðan 3-0 sigur í Kosovo og hevur fult stigatal. Grikkaland og Kosovo hava bara spælt ein dyst.
Støðan:
1. Svøríki 6
2. Spania 4
3. Grikkaland 1
4. Georgia 0
5. Kosovo 0
Bólkur C:
Italia og Sveis hava fult stigatal eftir tvey umfør. Í kvøld vann Italia 2-0 á Bulgari á útivølli. Andrea Belotti og Manuel Locatelli skoraðu málini fyri gestirnar. Sveis vann tepran 1-0 sigur á Litava. Avgerandi málið skoraði Liverpool-spælarin, Xherdan Shaqiri, longu aftaná tveir minuttir. Í hesum bólkinum hava Litava og Norðurírland spælt ein dyst, meðan hini hava spælt tveir.
Støðan:
1. Italia 6
2. Sveis 6
3. Litava 0
4. Norðurírland 0
5. Bulgaria 0
Bólkur D:
Fronsku heimsmeistararnir eru aftur á sigurskós við 2-0 sigri í Kasakstan. Osumane Dembele og eitt sjálvmál var nokk, sjálvt um Kylian Mbappé brendi brotsspark og Anthony Martial bleiv skaddur. Ukreina sá út til at fáa eina góða byrjan, eftir javnleikin í Fraklandi, men í seinastu minuttunum javnaði Finnland við brotssparki frá Temu Pukki. Her hava Bosnia Hersigovina og Kasakhstan spælt ein dyst, meðan hini hava spælt tveir.
Støðan:
1. Frakland 4
2. Finnland 2
3. Ukreina 2
4. Bosnia Hersigovina 1
5. Kasakhstan 0
Bólkur F:
Her taptu Føroyar 3-1 móti Eysturríki, eftir at Sonni Ragnar Nattestad legði okkara enn á odda. Danmark vann heili 8-0 á Moldova, meðan tað endaði við javnleiki í Ísrael, har Skotland var á vitjan. Danmark fær óhugnaliga sterkt út og møtir í komandi umfari Eysturríki.
Støðan:
1. Danmark 6
2. Eysturríki 4
3. Skotland 2
4. Føroyar 1
5. Ísrael 1
6. Moldova 1
Bólkur I:
Onglandi vann við eitt sindur av stríðið 2-0 á útivølli móti Albania. Harry Kane og Mason Mount skoraðu málini. Pólland vann 3-0 á Andorra, og Ungarn vann 3-0 á San Marino. Ongland hevur beina kós móti HM í Katar.
Støðan:
1. Ongland 6
2. Pólland 4
3. Ungarn 4
4. Albania 3
5. Andorra 0
6. San Marino 0
Bólkur J:
Tað er langur vegur á mál fyri Ísland, sum aftur í kvøld tapti. Hesa ferð á útivølli móti Armenia. Norðurmakedónia vann greitt 5-0 á Liktenstein, meðan Týskland vann tepran 1-0 sigur í Rumenia. Avgerandi málið skoraði Serge Gnabry. Týskland hevur fult stigatal sær eisini út til at hava beina kós móti HM-endaspælinum í Katar.
Støðan:
1. Týskland 6
2. Armenia 6
3. Norðurmakedónia 3
4. Rumenia 3
5. Ísland 0
6. Liktenstein 0
