Samgongan, sum nú hevur lagt samgonguskjal og fylgiskjal til samgonguskjalið fram, ynskir at føra ein virknan politikk fyri at varðveita og stimbra lív og virksemi á smáplássum og útoyggjum.
- Verandi orkuveiting á útoyggj verður dagførd, og hon skal í størst møguligan mun brúka grønari orku. Oyggjarnar verða royndarøki fyri grøna orku.
Tryggjast skal, siga teir tríggir flokkarnir - Javnaðarflokkurin, Tjóðveldi og Framsókn - at tey, sum búgva á smáplássum og útoyggj, hava atgongd at brúka jørð og lunnindi.
- Arbeiðast skal fyri at skipa spennandi arbeiðspláss í útjaðara og á útoygg, og stuðlað verður undir granskingartiltøk, søvn, íverksetan o.a. á smáplássum, verður lagt aftrat.
