Í gjárakvøldi var ein dystur í SMS-deildini leiktur í KÍ-høllini í Klaksvík millum Stjørnuna og EB.
Stjørnan var greiður favorittur, men EB megnaði veruliga at skelka klaksvíkskvinnur.
Í steðginum var EB á odda 15-11. Men við støðuna 20-16 vaknaði Stjørnan veruliga. Stjørnan skoraði fimm mál á rað uttan, at EB svaraði aftur, og so var Stjørnan á odda 21-20. Seinastu løtuna leikaði javnt á. Lea S. Lisberg hjá EB
minkaði um munin til 25-26, tá 55 sekund vóru eftir. Nærri kom EB ikki, og Stjørnan vann sostatt dystin 26-25.
Sigurin merkir, at Stjørnan verður í minsta lagi nummar fýra, og fær tí heimadyst í FM-fjórðingsfinaluni.
Kristinn Guðmundsson, venjari hjá EB gav ilt av sær um dømingina beint undan leikloki, og var tí burturvístur.
##med2##
Her er dómaraseðilin frá HSF:
##med3##
Leygardagin klokkan 13.30 spæla H71 og VB í Hoyvíkshøllini. Sunnudagin klokkan 14 vera tveir dystir á skránni. StÍF tekur móti Neistanum, og VÍF tekur móti Kyndli.
