SMS má rinda marknaðarprís...

»Fyri­mun­­ur­in við at fáa sítt fram­leiðsl­utilfar ­ókeypis frá poli­tisku skipanini:

P/F SMS seldi í 2011 fyri 336,3 milliónir krónur. Av tí at SMS má rinda markn­að­ar­prís fyri sítt fram­leiðsl­u­til­far (vør­ur­nar, sum verð­a seldar víðari til kund­­ar­­nar), so var fram­leiðsl­u­kostn­að­ur­in ­í sambandi við søl­una 277,7 milliónir - t. e. 82,6% av søluvirðinum. Brutt­o­vinn­ing­urin ­var tí 58,6 milliónir krón­ur.

Eftir avskrivingar vóru 49,5 mill­iónir eftir, harav tey 260 starvs­fólkini fingu 43,1 milli­ón (166 túsund krón­ur í part í miðal), meðan eig­ar­ar­nir av SMS fingu eitt árs­úrs­lit upp á 6,4 milliónir krón­ur.

Uppisjóvarskipið Finn­ur Fríði hjá Varðanum seldi í 2011 fyri 151,5 mill­i­ón­ir krón­ur - altso 45 % av um­setn­ing­i­num ­hjá SMS. Men av tí at Finnur Fríði ikki rindar fyri sítt framleiðslutilfar (fisk­in í sjónum), so var fram­leiðslu­kostn­að­ur­in í sam­bandi við søl­una 31,1 millión krónur - 20,5% av
søluvirðinum. Brutto­vinn­ing­urin var tí 120,4 mill­iónir krónur

- altso 205% av brutto­vinn­­ing­inum hjá SMS.
Eftir avskrivingar vóru 107,9 mill­i­ónir eftir, harav tey 26 starvs­fólkini fingu 46,5 mill­iónir (1 millión og 789 túsund krónur í part í mið­al), meðan eigararnir av Finni Fríða fingu eitt árs­úrs­lit upp á 61,4 milliónir krón­ur.

Jú sanniliga loysir tað seg at duga telefon­numm­arið hjá fisk­i­mál­a­ráð­harra­num.«