Ein dystur var leiktur í SMS-deildini í kvøld.
Neistin tók móti Stjørnuni í høllini á Hálsi í Havn.
Í fyrra hálvleiki vóru klaksvíkskvinnur omaná, og í steðginum var Stjørnan á odda 18-14.
Tá 36 minuttir vóru farnir var Stjørnan á odda 20-18. Tá eydnaðist Neistanum at venda støðuni frá 18-20 til eina 24-20 leiðslu. Stjørnan minkaði um munin til 24-22, men løtu seinni var Neistin frammanfyri 27-22, og eftir tað sleptu neistakvinnur ikki takið á dystinum.
Tað er nú púra javnt í kapprenningini millum Kyndil og Neistan um hvør endar á øðrum plássinum, og harvið vinnur seg beinleiðis í FM-hálvfinalurnar.
Kyndil hevur tó dystir móti StíF og VB eftir, og kann við einum væl betri málmuni tryggja sær annað plássið. Í annaðkvøld klokkan 18 tekur Kyndil móti StÍF í høllini á Hálsi. Neistin tekur móti VB í høllini á Hálsi fríggjakvøldið klokkan 19.30. Eftir tað hevur Neistin ein dyst eftir móti VÍF á heimavølli.
##med2##
Her er dómaraseðilin frá HSF:
##med3##