Ígjár leiktu VB og VÍF dyst suðuri í Vágshøll í Vági.
Tað endaði við javnleiki 26-26, og tað kann heimaliðið fegnast mest um.
Tá seks minuttir vóru eftir vóru vestmannakvinnur á odda 25-21. Tá minni enn tveir minuttir vóru eftir var VÍF á odda 26-24. Fyrst minkaði Rúna M. Jacobsen um munin til 25-26. Í allarseinasta sekundi eydnaðist tað Ernu Pajic at javna til 26-26, og so kundi vágbingar stórfegnast.
Í steðginum var VÍF á odda 12-11.
VB er nummar seks við fýra stigum, og VÍF er nummar fimm við sjey stigum. Tann endastøðan hevði givið eina FM-fjórðingsfinalu á útivølli móti nummar trý og nummar fýra.
##med2##
Her er dómaraseðilin frá hsf.fo:
##med3##
