Smyril Line og Air Iceland fara nú saman at bjóða føroyingum at sigla og flúgva til Reykjavíkar
Avtalan gongur út uppá, at føroyingar, danir og onnur sum ynskja at ferðast til Íslands uttan bil fáa møguleikan at sigla til Seyðisfjarðar við Norrønu og síðan flúgva til Reykjavíkar úr Egilsstøðum sum liggur 20 minuttir eystan fyri Seyðisfjørð.
Hetta merkir, at føroyingar, fyri ein sera lágan prís, fáa høvi til at vitja Reykjavík í styttri ella longi tíðarskeið.
- Hetta er fyrstu ferð at Smyril Line ger eina tílíka avtalu sum fevnir um bæði sigling og innanlandsflúgving í Íslandi. Vit á Smyril Line og ferðaskrivstovurnar eru sjálvandi sera spent upp á úrslitið av hesum nýggja átakinum, sigur Jákup Sverri Kass, sølu- og marknaðarstjóri á Smyril Line.
