Aloftast eru tað teir leikarar, sum skjóta flestu málini, at fólk leggja mest til merkis.
Hetta er allarhelst eisini galdandi í hondbólti, og í so máta fekk Áki Olsen rættuliga gjørt vart við seg, tá hann sunnudagin saman við liðfeløgunum tók ímóti Tjaldri upp á Hálsi.
Tveir mánaða gamalt met
Tá alt kom til stykkis, hevði Áki skotið ikki færri enn 17 mál, og hetta er tað mesta nakar leikari hevur skotið í einum einstøkum dysti hetta kappingarárið.
Gamla metið fekk John Petersen, tá hann í dystinum millum VÍF og StÍF í Vestmanna hin 30. januar skeyt heili fimtan mál.
Hetta metið fekk John sostatt loyvi at eiga í knappar tveir mánaðir.
Hesi seytjan málini førdu samstundis við sær, at Áki er ovast á máltindinum, nú bert eitt umfar restar av kappingarárinum.
Til stuttleikar kann nevnast, at í sama dysti varð eitt annað met sett, nevnliga hvussu nógv mál næstbesti málskjúttin hjá einum liði hevur skotið í einum dysti.
Heini Joensen var nevnliga eitt sindur smædnari enn Áki, og mátti taka til takkar við 12 málum.
Rápa hjá kvinnum
Hjá kvinnunum er metið 14 mál í einum dysti, og er hetta komið fyri fýra ferðir í ár.
Ikki heilt óvæntað stendur navnið, Ioana Rápa, á trimum av hesum førunum. Toppskúttin frá undanfarna ári, hevur eisini hetta árið gjørt nógv um seg. og er hon eisini ovast á máltindinum, hóast hon vegna skaðar ikki hevur fingið leikt allar dystirnar.
Bestu málskjúttar í einum dysti hetta kappingarárið
Kvinnur:
14 mál:
07.11.1999, VÍF-VB, Ioana Rápa
11.12.1999, Stjørnan-VB, Vesna Tomajek
27.01.2000, Stjørnan-VÍF, Ioana Rápa
12.02.2000, Neistin-VÍF, Ioana Rápa
13 mál:
14.11.1999, Tjaldur-Neistin, Inga Danberg
Menn:
17 mál:
25.03.2000, Neistin-Tjaldur, Áki Olsen
15. mál:
30.01.2000, VÍF-StÍF, John Petersen
14 mál:
10.10.1999, Neistin-H71, Heini Joensen
17.10.1999, H71-StÍF, Artur Johansen
07.11.1999, Neistin-StÍ, FJohn Petersen
19.01.2000, Tjaldur-Neistin, Heini Joensen
