Tað eru 18 lið, ið taka lut í kappingini um løgmanssteypið í ár. Orsakað av hesum talinum av liðum var neyðugt við tveimum undanumførum fyri at vinna tey seinastu 16 liðini í kappingini. Skírishósdag vann FC Suðuroy 4-2 á heimavølli ímóti Royn, og í dag var seinni undandysturin spældur vesturi í Miðvági, har MB úr 2. deild og Undrið úr 3. deild hittust.
Og tað gjørdist 3. deildarliðið Undrið, sum spældi seg víðari í kappingini um Løgmanssteypið. Undrið kom tíðliga í dystinum á odda við máli frá Christiani Vilhelmi Jacobsen, og í seinna hálvleiki staðfesti Ivan Gærdbo Hofgaard sigurin. Undrið vann 2-0.
Áttandapartsfinalurnar ímillum tey síðstu 16 liðini í steypakappingini eru hesar.
FC Suðuroy - Víkingur
TB - NSÍ
Undrið - Skála
AB - B36
ÍF - KÍ
EB/Streymur - 07/Vestur
Giza/Hoyvík - B68
HB - B71
