Seinasta atkvøðugreiðslan í X Factor kappingini hjá Danmarks Radio í kvøld snúði sum, hvør Emilie Esther ella Jógvan Joensen skuldu vinna kappingina.
Sambært undirhaldsstjóranum í Danmarks Radio, Jan Lagermand Lundme, fekk Emilie Esther 60 prosent av atkvøðunum, meðan Jógvan fekk 40 prosent.
Harvið var talan um tryggan sigur til 15 ára gomlu songkvinnuna.
Sambært DR komu umleið 800.000 atkvøður til X Factor í kvøld. Fyri einum ári síðani vóru atkvøðurnar 500.000 í tali.
