Nógv hevur verið sagt og skrivað um Lionel Messi, síðani skiftið frá FC Barcelona til Paris Saint Germain. Í dag skoraði hann sítt fyrsta mál í fronskum fótbólti.

Tað fór sum ein skelkur gjøgnum fótbóltsheimin, tá FC Barcelona brádliga kallaði inn til tíðindafund, tí felagið ikki longdi sáttmálan við Lionel Messi. Í París var nýríka oljufelagið til reiðar bjóða bóltsnillinginum úr Argentina teir pengarnar, ið skuldu til at fáa hann.

Síðani hevur gingið eitt sindur strilti, at vísa sama formin sum í katalanska høvðusstaðnum. Tað bleiv til eitt mál móti Manchester City í Champions League, men í heimligu kappingini verið málturkur.

Í dag vann Paris Saint Germain 3-1 á Nantes í franska høvðusstaðnum. Lionel Messi slerdi sigurin fastan við mál til 3-1, eftir at máljerin hjá PSG var vístur av vølli. Lionel Messi er eisini noteraður fyri eitt upplegg, men tað var eitt upplegg til eitt heldur óheppið sjálvmál.

PSG er 13 stig fremst í Ligue 1.