Sjey dystir í 21. umfari í Premier League hava verið í dag. Arsenal tapti fyri bara aðru ferð í hesum kappingarárinum, Manchester United vann, men fekk Casemiro útvístan og Liverpool tapti heili 3-0 móti Wolverhampton.
Everton er í sannari kreppu og liggur til niðurflyting. Tí bleiv Frank Lampard eisini koyrdur og kendi bjargingarmaðurin úr Burnley, Sean Dyche, tók í vikuni við. Hann stríddist til tað seinasta at fáa spælarar til felagið, men tá flytingarvindeygað lat aftur stóð hann við ongum.
Í dag fekk hann ein sigur í fyrsta dystinum, sum var móti ongum minni enn oddaliðnum Arsenal. Málið skoraði James Tarkowski eftir hornaspark frá Dwight McNeil. Tveir spælarar, sum hava spælt undir Sean Dyche í Burnley.
Manchester United heldur fram við góðu gongdini seinastu tíðina. Hesa ferð vann Manchester United 2-1 á Crystal Palace. Bruno Fernandes og Marcus Rashford skoraði málini, men tað kom spenningur í, tá Casemiro bleiv útvístur fyri at taka um hálsin á einum spælara.
Liverpool er í einari fultkomnari kreppu og tað sást aftur á úrslitinum í dag. 3-0 til Wolverhampton, sum enntá kundi havt skorað fleiri mál.
Premier League 21. umfar:
Fríggjadagin:
Chelsea – Fulham 0-0
Leygardagin:
Everton – Arsenal 1-0
Wolverhampton – Liverpool 3-0
Manchester United – Crystal Palace 2-1
Brighton – Bournemouth 1-0
Brentford – Southampton 3-0
Aston Villa – Leicester 2-4
Newcastle – West Ham
Sunnudagin:
Nottingham Forest – Leeds United (14.00)
Tottenham – Manchester United (16.30)
1 | Arsenal | 20 | 16 | 2 | 2 | 45:17 | 50 |
2 | Manchester City | 20 | 14 | 3 | 3 | 53:20 | 45 |
3 | Newcastle | 20 | 10 | 9 | 1 | 33:11 | 39 |
4 | Manchester Utd | 20 | 12 | 3 | 5 | 32:25 | 39 |
5 | Tottenham | 21 | 11 | 3 | 7 | 40:31 | 36 |
6 | Fulham | 22 | 9 | 5 | 8 | 32:30 | 32 |
7 | Brighton | 19 | 9 | 4 | 6 | 37:27 | 31 |
8 | Brentford | 20 | 7 | 9 | 4 | 32:28 | 30 |
9 | Chelsea | 21 | 8 | 6 | 7 | 22:21 | 30 |
10 | Liverpool | 19 | 8 | 5 | 6 | 34:25 | 29 |
11 | Aston Villa | 20 | 8 | 4 | 8 | 23:27 | 28 |
12 | Crystal Palace | 20 | 6 | 6 | 8 | 18:27 | 24 |
13 | Nottingham F. | 20 | 5 | 6 | 9 | 16:35 | 21 |
14 | Leicester | 20 | 5 | 3 | 12 | 28:35 | 18 |
15 | Leeds | 19 | 4 | 6 | 9 | 26:33 | 18 |
16 | West Ham | 20 | 5 | 3 | 12 | 17:25 | 18 |
17 | Everton | 21 | 4 | 6 | 11 | 16:28 | 18 |
18 | Wolves | 20 | 4 | 5 | 11 | 12:30 | 17 |
19 | Bournemouth | 20 | 4 | 5 | 11 | 19:42 | 17 |
20 | Southampton | 20 | 4 | 3 | 13 | 17:35 | 15 |