Tað skrivar biskupur á heimasíðuni hjá Fólkakirkjuni.
Herfyri var søkt eftir tveimum sóknarprestum til Suðuroyar norðara prestagjald, í Hvalba og á Tvøroyri.
Í fólkakirkjuni eru tað staðbundnu kirkjuráðini, ið innstilla umsøkjara til setanir av sóknarprestum. Biskupur fylgir vanliga ynsktu innstillingini.
Hanus Pál Jógvansson varð settur í embætið Hvalba, har hann frammanundan var virkandi sóknarprestur.
Til starvið á Tvøroyri komu fimm umsóknir.
Tann 10. mai innstillaðu kirkjuráðini ein umsøkjara, ið eftir umhugsunartíð valdi ikki at taka við embætinum.
Síðani hava kirkjuráðini valt at lýsa embætið við sæti á Tvøroyri leyst av nýggjum.
Væntandi verður aftur lýst eftir sóknarpresti um Ólavsøkuna.
