Klokkan tíggju minuttir yvir hálvgtum tíggju fríggjadagin 20. mars næsta ár verður nakað so sjáldsamt, sum ein full sólarmyrking í Føroyum.
Hetta hendir ikki ofta, tí restina av hesum túsundárinum verða bara tvær fullar sólarmyrkingar afturat í Føroyum – tann fyrra 26. mai 2245 og tann seinna 7. september 2974.
At hetta er so sjáldsamt, hevur nú fingið fólkaflokstingmannin, Bjarna Djurholm, at sett landsstýrismanninum í mentamálum, Bjørn Kalsø, ein grein 52-fyrispurning um, hvat hendir í undirvísingarverkinum henda dagin.
Tingmaðurin spyr í fyrsta lagi, um nøkur serlig átøk verða í skúlaverkinum í sambandi við sólarmyrkingina, og um skúlar og undirvísingarstovnar verða frítiknir frá vanligari undirvísing henda dagin, tann 20. mars næsta ár.
Trýst á pílin undir myndini og hoyr Bjarni Djurholm greiða frá.
Seinasta fulla sólarmyrking í Føroyum var 30. juni í 1954, og farnu øldirnar vóru fullar sólarmyrkingar í Føroyum í 1424, 1440, 1612 og sum nevnt í 1954, umframt at í 1733 var ein sólarmyrking, sum var næstan full.
