Hildið verður at saknaðu amerikanararnir í Ukraina eru tiknir til fanga av russiskum deildum, og russiski forsetin, Vlademir Putin, sigur, at hann hevur einki ímóti møguligum ukrainskum limaskapi í ES.
Er er eitt sindur um gongdina í sambandi við kríggið í Urkaina:
* Fylgisveinamyndir vísa afturgongd í í kornframleiðsluni í Ukraina.
Ein greining av fylgisveinamyndum frá felagnum Maxar vísir broyting í kornframleiðsluni í Ukraina samanborið við í fjør.
Soleiðis vísa myndirnar eina afturgongd í framleiðsluni í landslutunum Tjernihiv ogZjytomyr á ávikavist 70 og 67 prosent.
* Russiskt sjónvarp vísir video av saknaðum amerikanarum.
Ein sjónvarpsrás hjá russiska statinum hevur víst video á sosialum miðlum av tveimum amerikanarum, sum hvurvu í síðstu viku, meðan teir stríddust við ukrainska herinum í Ukraina.
Alexander Dreueke og Andy Hyunh eru eftir øllum at døma tikinir til fanga av russiskum deildum.
* Putin hevur einki ímóti møguligum ukrainskum limaskapi í ES.
Russland hevur einki ímóti, at Ukraina møguliga verður limur í ES.
Tað sigur russiski forsetin, Vladimir Putin, í eini røðu í Sankta Pætursborg á Altjóða Búskaparligum Forum (Spief).
– Vit hava einki ímóti tí. Tað er teirra sjálvstøðuga avgerð, um tey vilja gerast limur í búskaparligum samgongum ella ikki, sigur Putin.
* Scholz heldur tað verða neyðugt at tosa við Putin.
Tað er sera neyðugt at tosa beinleiðis við russiska forsetan, Vladimir Putin, heldur týski samveldiskanslarin, Olaf Scholz.
* Ukraina er í øðini um ikki at sleppa at halda Eurovision sangkappingina.
Ukraina fordømir EBU, sum er evropiska samgongan av útvarps- og sjónvarpsstøðum, fyri at hava gjørt av, at Ukraina ikki verður vertur fyri sangkappingini.
EBU hevur víst á, at umstøðurnar í krígsrakta landinum gera, at tey verða noydd at halda kappingina í einum øðrum landi enn landinum, sum vann.
– Vit fara at krevja, at hendan avgerð verður broytt, tí vit halda, at vit vilja vera før fyri at lúka allar treytir, sigur ukrainski mentamálaráðharrin, Oleksandr Tkatjenko.
Keldur: NTB, BBC, AFP, AP og dpa.
/ritzau/
