Føroyski landsliðsmiðverjin, Sonni Ragnar Nattestad, er ikki við besta liðnum hjá Molde, sum í hesum døgum er á venjingarlegu í Spania. Venjarin, Erling Moes, sigur at miðvingurin leitar eftir nýggjum felagi.
- Sonni hyggur í løtuni eftir øðrum møguleikum, tí er hann ikki við okkum, sigur Erling Moes, venjari hjá Molde, við Stavanger Aftenbladet.
24 ára gamli miðverjin hevur verið útleigaður til AC Horsens í Danmark. Felagið hevði møguleikan at keypa Sonna Ragnar eftir leiguna, men felagið valdi ikki at taka av. Nú leitar hann eftir nýggjum felagi.
