Eitt umfar – tað fimtanda – er eftir, áðrenn landskappingin fer í summarfrí. Fyrsti dysturin er framskundaður at vera í annaðkvøld, tí KÍ mikukvøldið í næstu viku skal spæla á útivølli í europeisku meistarakappingini ímóti Bodø/Glimt.
Hinir dystirnir vóru ásettir at vera um vikuskiftið, men nú er greitt, at ein dystur afturat verður mikukvøldið. Skála Ítróttarfelag boðar í dag frá, at dysturin undir Mýruhjalla ímóti AB verður mikukvøldið klokkan 19. Hann var annars ásettur at vera fríggjakvøldið. Skála bíðar framvegis eftir fyrsta sigrinum. Skálamenn eru niðast á støðutalvuni, og tað kann fara at vísa seg at verða ógvuliga avgerandi fyri møguleikarnar, tá ið tað á ólavsøku aftur verður farið undir landskappingina, at Skála í morgin vinnur fulla úrtøku.
Víkingur boðar frá, at dysturin ímóti B36, sum var ásettur at vera leygardagin, er framskundaður til fríggjakvøldið klokkan 19.
-
Mikudagin 29. juni
KÍ – NSÍ: Rúni Gaardbo kl. 18.30
Skála – AB: Kári J. á Høvdanum kl. 19.00
Fríggjadagin 1. juli
Víkingur – B36: Jóhan Hendrik Ellefsen kl. 19.00
Leygardagin 2. juli
B68 – HB: Egill Arnar Sigurþórsson kl.15.00
07 Vestur – EB/Streymur: Rani A. Skaalum kl. 16.00
-
KÍ | 14 | 13 | 1 | 0 | 39 | 2 | 40 |
Víkingur | 14 | 11 | 1 | 2 | 44 | 12 | 34 |
HB | 14 | 7 | 4 | 3 | 27 | 18 | 25 |
B36 | 14 | 7 | 1 | 6 | 25 | 12 | 22 |
EB/Streymur | 14 | 6 | 2 | 6 | 17 | 25 | 20 |
AB | 14 | 5 | 1 | 8 | 23 | 38 | 16 |
NSÍ | 14 | 5 | 0 | 9 | 19 | 35 | 15 |
07 Vestur | 14 | 3 | 3 | 8 | 14 | 32 | 12 |
B68 | 14 | 3 | 2 | 9 | 13 | 32 | 11 |
Skála | 14 | 0 | 5 | 9 | 12 | 27 | 5 |