Grønlendingar innfluttu minni rúsdrekka í fjør samanborið við 2017. Grønlendski tíðindamiðilin Sermitsiaq skrivar, at í 2018 blivu 327.00 litrar av reinum alkoholi influtt og framleitt. Hetta er ein minking á 43.000 litrar í mun til árið fyri, sum svarar til 11,6 prosent.
Samanborið við rúsdrekkanýtsluna fyri 30 árum síðani er nýtslan minkað við 54,7 prosentum - hetta svarar til 395.000 litrar.
Tað er grønlendska hagstovan, Grønlands Statistik, sum hevur skrásett hesi tølini, sambært Sermitsiaq. Størsta minkingin sæst aftur í innflytingini av víni, og hetta er ein minking á 19,5 prosent. Minkingin á sterkum rúsdrekka er 11,7 prosent, meðan minkingin av øli er 9,4 prosent.
