Tað hava verið ein røð av tiltøkum kring landið og í høvuðsstaðnum til frama fyri átakið.
Stuðulskonsertin í Vesturkirkjuni er millum seinastu tiltøkini í ár og tað sær út til at folk kunnu gleða seg.
Evi Tausen, sum hevur fyriskipað konsertina hevur sett saman eina spennandi skrá, har okkara allarbestu countrytónleikarar taka lut saman við Vestmanna Kirkjukórið.
Tey luttakandi eru Hallur Joensen, Evi Tausen, Kristina Bærendsen og Vestmanna Kirkjukór
Savnað verður inn til átakið Í menniskjum góður tokki meðan konsertin er. Alt sum kemur inn verður óskert býtt til tær familjur sum hava tørv á jólahjálp.
Fleiri enn 450 familjur bíða í hesum døgum eftir jólahjálp og á konsertini verður møguligt at rætta teimum eina hjálpandi hond.
