svimjing
Árliga svimjikappingin, FS-stevnan 2001, verður í Fuglafirði komandi vikuskiftið.
Í tíðindaskrivi sigur Fuglafjarðar Svimjifelag, at talan væntandi verður um einar 170 svimjarar, sum fara at kappast.
Talan er um yngru svimjararnar ? 6 til 13 ár ? hjá Tvøroyrar Svimjifelag, Vágs Svimjifelag, Havnar Svimjifelag, Flot av Toftum, Skeggjar úr Gøtu, og Fuglafjarðar Svimjifelag.
Kappingin byrjar leygarmorgunin kl. 10.00, og verður síðani hildið á allan leygardagin umframt sunnudagin, tá seinastu kappingarnar eru á skránni.
Í alt verður talan um 48 kappingar, og verða heiðursmerki latin trimum teimum fremstu svimjarunum í øllum kappingunum.
