Stóra virksemi hjá KJ-Hydraulik á Kambsdali hevur í longri tíð havt tørv á størri smiðjuhølum.
- Tí fegnast vit um, at vit i dag hava undirskrivað sáttmála við Kanjon um nýggjan smiðjubygning á Kambsdali, sum skal standa klárur í mai 2017.
Tað siga tey hjá KJ-Hydraulik í dag.
- Vit hava havt eitt gott samstarv við KJ, og vit eru fúsir til hesa uppgávu, sigur stjórin í Kanjon, Kjartan Hansen.
Sum skilst á stjóra og marknaðarleiðara hjá KJ-Hydraulik, Ólavi A. Olsen og Viggo Johannesen, fær fyritøkan á Kambsdali umleið tvífalt so stórt smiðjupláss við útbyggingini.
